ప్రాంతంలో టర్నింగ్‌ల కారణంగా.. వన్యప్రాణులు కూడా యాక్సిడెంట్ బారిన పడుతున్నాయి. దానికి తోడు హైదరాబాద్ నుంచి శ్రీశైలానికి దూరం కూడా ఎక్కువగా ఉంటుంది. ఈ సమస్యకు చెక్ పెట్టేందుకు ఎలివేటెడ్ కారిడార్ నిర్మాణం చేపట్టారు. ఈ కారిడార్‌కు కేంద్ర ప్రభుత్వం ఇప్పటికే గ్రీన్ సిగ్నల్ ఇచ్చింది. మెుత్తం 62 కిలోమీటర్ల మేర అభయారణ్యంలో 30 అడుగుల ఎత్తులో ఈ రహదారి నిర్మించనున్నారు. ఈ రహదారి నిర్మాణానికి రూ.7,700 కోట్ల ఖర్చవుతుందని అంచనా వేస్తన్నారు. నాగర్ కర్నూల్‌ జిల్లా అచ్చంపేట మండలంలోని బ్రాహ్మణపల్లి నుంచి మన్ననూరు, కుంచోనిమూల, దుర్వాసుల చెరువు ఫరహాబాద్‌, వటువర్లపల్లి, దోమలపెంట గ్రామాల మీదుగా శ్రీశైలం వరకు కారిడార్ వెళ్తుంది.
ప్రస్తుతం శ్రీశైలం వెళ్లే రోడ్డుమార్గంలో ఈగలపెంట మీదుగా పాతాలగంగ దాటాక కృష్ణా నదిపై ఓ బ్రిడ్జి అందుబాటులో ఉంది. ఆ వంతెన దాటితే ఏపీ రాష్ట్ర పరిధి ప్రారభం అవుతంది. కృష్ణా నది దాటి ఏపీలో ప్రవేశించాక మళ్లీ ఘాట్‌ రోడ్డు మలుపులు తిరుగుతూ కొండపైకి చేరుకుంటుంది. ఈ మార్గంలో అధిక దూరం, సమయం, ప్రమాదకరంగా ప్రయాణం ఉంటుంది. దీంతో కృష్ణా నదిపై కొత్తగా ఐకానిక్ వంతెన నిర్మాణాన్ని కేంద్రం సిద్ధమవుతోంది.
ప్రస్తుతం హైదరాబాద్-శ్రీశైలం-నంద్యాల హైవే నల్లమల అడవి మీదుగా సాగుంది. ఈ మార్గంలో కృష్ణా నది, ఘాట్‌రోడ్లు. అద్భుతమైన శ్రీశైలం డ్యాం, ప్రముఖ పుణ్యక్షేత్రం శ్రీశైలం, ఆక్టోపస్, ఫర్హాబాద్‌ వ్యూపాయింట్లు, టైగర్‌ సఫారీ, సలేశ్వరం, ఉమామహేశ్వర టెంపుల్స్ టూరిస్టుల మనసు దోచేస్తాయి. ఈ జాబితాలో కొత్తగా ఐకానిక్ వంతెన కూడా చేరిపోనుంది.