Maharashtra – Jharkhand Election Result 2024 LIVE: మహారాష్ట్ర, జార్ఖండ్ అసెంబ్లీ ఎన్నికల ఫలితాలు.. మహారాష్ట్రలో ఎన్డీయే డబుల్ సెంచరీ.. జార్ఖండ్‌లో ఇండియా కూటమి అధిక్యం
బారామతిలో అజిత్ పవార్ లీడ్
బారామతి శాసనసభ నియోజకవర్గంలో ఎన్సీపీ అభ్యర్థి అజిత్ పవార్ లీడ్
రెండు రౌండ్లు పూర్తయ్యేసరికి 7,111 ఓట్ల మెజార్టీ
వయనాడ్‌లో ప్రియాంక గాంధీ భారీ ఆధిక్యం
వయనాడ్‌ లోక్‌సభ ఉప ఎన్నికలో గెలుపు దిశగా కాంగ్రెస్ అభ్యర్థి ప్రియాంక
భారీ ఆధిక్యంలో ప్రియాంక గాంధీ
68,521 ఓట్ల మెజార్టీలో ప్రియాంక గాంధీ
మూడో స్థానంలో బీజేపీ అభ్యర్థి నవ్య హరిదాస్
ఎంఐఎంకు భారీ ఆధిక్యం..
ఔరంగాబాద్ ఈస్ట్‌లో ఎంఐఎంకు భారీ మెజార్టీ
ఏదో తప్పు జరిగింది: సంజయ్ రౌత్
ఇప్పటి వరకు వచ్చిన ఫలితాల్లో తప్పు ఉందని ఆరోపించారు శివసేన (ఉద్దవ్ ఠాక్రే) నేత సంజయ్ రౌత్. ఇది ప్రజల అభిప్రాయం కాదని, అసెంబ్లీ ఎన్నికల ఫలితాలపై సంజయ్ రౌత్ అనుమానం వ్యక్తం చేశారు. సింధు ద్వారా ఎమ్మెల్యేలందరూ ఎలా ఎన్నికయ్యారు? అంటూ ప్రశ్నించారు.
రాంచీలో కాంగ్రెస్ కీలక సమావేశం
జార్ఖండ్‌లో జేఎంఎం కూటమికి మెజారిటీ వచ్చిన తర్వాత, రాంచీలో కాంగ్రెస్ కీలక సమావేశం జరుగుతోంది. జేఎంఎం కూటమి 47 స్థానాల్లో ఆధిక్యంలో ఉంది. అదే సమయంలో బీజేపీ కూటమి 31 స్థానాల్లో ఆధిక్యంలో ఉంది.
ఇప్పటి వరకు జరగనిది మహారాష్ట్ర-జార్ఖండ్‌లో జరిగింది..!
ఇప్పటి వరకు జరగనిది మహారాష్ట్ర, జార్ఖండ్‌లలో జరిగింది. మహారాష్ట్రలో బీజేపీ చరిత్ర సృష్టించగా, జార్ఖండ్‌లో 24 ఏళ్ల సంప్రదాయాన్ని హేమంత్ సోరెన్ బ్రేక్ చేశారు. ముందుగా మహారాష్ట్ర గురించి చెప్పాలంటే, ఇక్కడ బీజేపీ ఇప్పటి వరకు అత్యుత్తమ ప్రదర్శన కనబరిచింది. ట్రెండ్స్ ప్రకారం 126 సీట్లో భారతీయ జనతా పార్టీ అధిక్యంలో కొనసాగుతోంది. గతంలో 2014లో బీజేపీ 122 సీట్లు గెలుచుకుంది. 24 ఏళ్ల సంప్రదాయాన్ని తుంగలో తొక్కి జార్ఖండ్‌లో హేమంత్ సోరెన్ ప్రభుత్వాన్ని ఏర్పాటు చేస్తున్నారు.
మహారాష్ట్ర ఫలితాల్లో ప్రముఖులకు షాక్
అసెంబ్లీ ఎన్నికల్లో కాంగ్రెస్‌కు చెందిన పలువురు సీనియర్లకు గట్టి షాక్ తగిలిందని తెలుస్తోంది. పృథ్వీరాజ్ చవాన్ కరాద్ దక్షిణ్ నుండి వెనుకబడి ఉన్నారు. బాలాసాహెబ్ థోరట్, విజయ్ వాడెట్టివార్, యశోమతి ఠాకూర్, అమిత్ దేశ్‌ముఖ్ కూడా వెనుకబడ్డారు.
జార్ఖండ్ లో అతిపెద్ద పార్టీగా JMM
జార్ఖండ్‌లో ఇప్పటివరకు ఉన్న ట్రెండ్స్‌లో JMM అతిపెద్ద పార్టీగా అవతరించింది. జేఎంఎం 30 స్థానాల్లో ఆధిక్యంలో ఉంది. అదే సమయంలో బీజేపీ 24, కాంగ్రెస్ 12, ఆర్జేడీ 6, ఏజేఎస్‌యూ 2, సీపీఐ(ఎంఎల్) (ఎల్) 2, జేఎల్‌కేఎం 1 స్థానాల్లో ఆధిక్యంలో ఉన్నాయి.
జార్ఖండ్‌లో హేమంత్ సోరెన్ పార్టీ అధిక్యం
జార్ఖండ్‌లో 24 ఏళ్లుగా కొనసాగుతున్న సంప్రదాయానికి బ్రేక్‌పడింది. హేమంత్ సోరెన్ ట్రెండ్స్‌లో పునరాగమనం చేస్తున్నారు. 24 ఏళ్ల జార్ఖండ్ చరిత్రలో ఏ పార్టీ వరుసగా రెండోసారి ప్రభుత్వాన్ని ఏర్పాటు చేయడం ఎప్పుడూ జరగలేదు. అయితే ఈసారి రెండో దఫా హేమంత్ సోరెన్ నేతృత్వంలోని జేఎంఎం అధికారం దిశగా పరుగులు పెడుతోంది.
జల్నా జిల్లాలో బీజేపీ అధిక్యం
జల్నా జిల్లాలో బీజేపీకి చెందిన ముగ్గురు అభ్యర్థులు ముందంజలో ఉండగా, షిండే నేతృత్వంలోని శివసేనకు చెందిన ఇద్దరు అభ్యర్థులు ముందంజలో ఉన్నారు. బీజేపీకి చెందిన సంతోష్ దన్వే, బాబాన్‌రావ్ లోనికర్, నారాయణ్ కుచే ముందంజలో ఉన్నారు. షిండే నేతృత్వంలోని శివసేనకు చెందిన అర్జున్ ఖోట్కర్, హిక్మత్ ఉడాన్ ముందంజలో ఉన్నారు.
అనుశక్తి నగర్‌లో సనా మాలిక్ ముందంజ..
నటి స్వర భాస్కర్ భర్త ఫహద్ అహ్మద్ షాక్ తగిలింది. అనుశక్తి నగర్‌ నియోజకవర్గంలో నాలుగో రౌండ్‌లో నేషనలిస్ట్ అజిత్ పవార్ గ్రూపునకు చెందిన సనా మాలిక్ ముందంజలో ఉండగా, ఫహద్ అహ్మద్ వెనుకంజలో ఉన్నారు.
సనా మాలిక్ (అజిత్ పవార్ నేషనలిస్ట్ పార్టీ)-10,644 ఓట్లు
ఫహద్ అహ్మద్ (శరద్ చంద్ర పవార్ నేషనలిస్ట్ పార్టీ)- 9,253 ఓట్లు
మహారాష్ట్రలో ఎన్డీయే డబుల్ సెంచరీ.. జార్ఖండ్ లో ఇండియా కూటమి
ట్రెండ్స్ ప్రకారం మహారాష్ట్రలో ఎన్డీయే 200 మార్కును దాటింది. 203 స్థానాల్లో భారతీయ జనతా పార్టీ ఆధిక్యంలో ఉన్నారు. కాగా, ఎంవీఏ 72 స్థానాల్లో ఆధిక్యంలో ఉంది. మిగతా 13 స్థానాల్లో ఇతరులు ముందంజలో ఉన్నారు. జార్ఖండ్‌లో బీజేపీ కూటమి 32 స్థానాల్లో, కాంగ్రెస్ కూటమి 46 స్థానాల్లో ఆధిక్యంలో ఉన్నాయి.
ఘట్కోపర్ ఈస్ట్ బీజేపీ ముందంజ
ఘట్కోపర్ తూర్పు నియోజకవర్గం నుంచి భారతీయ జనతా పార్టీకి చెందిన పరాగ్ షా ముందంజలో ఉన్నారు.
పరాగ్ షా – భారతీయ జనతా పార్టీ – 12,601
రాఖీ జాదవ్ – NCP శరద్ పవార్ గ్రూప్ – 7,427
శివాడీలో బాలా నంద్గావ్కర్ వెనకంజ
ఎంఎన్‌ఎస్‌కు చెందిన బాలా నంద్గావ్కర్ శివాడీ నియోజకవర్గంలో వెనుకబడ్డారు. ఠాక్రే గ్రూపునకు చెందిన అజయ్ చౌదరి ముందంజలో ఉన్నారు.
మహారాష్ట్ర – జార్ఖండ్ తాజా గణాంకాలు
మహారాష్ట్ర:
NDA- 188
MVA-82
ఇతరులు-18
జార్ఖండ్:
బీజేపీ కూటమి 39
కాంగ్రెస్ కూటమి 41
ఇతరులు-1
మహారాష్ట్రలో ఎన్డీయే ముందంజ
ట్రెండ్స్ ప్రకారం మహారాష్ట్రలో ఎన్డీయే 164 స్థానాల్లో ఆధిక్యంలో ఉంది. ఎంవీఏ 99 స్థానాల్లో ఆధిక్యంలో ఉంది. మిగతా 16 స్థానాల్లో ఇతరులు ముందంజలో ఉన్నారు.
జార్ఖండ్‌లో హోరా హోరీ
జార్ఖండ్‌లో కాంగ్రెస్-జేఎంఎం, బీజేపీ కూటమి మధ్య హోరాహోరీ పోటీ నెలకొంది. భారత కూటమికి మెజారిటీ వచ్చింది. భారత కూటమి 41 స్థానాల్లో ఆధిక్యంలో ఉంది. అదే సమయంలో ఎన్డీయే 40 స్థానాల్లో ఆధిక్యంలో ఉంది.
EC డేటా ప్రకారం, కాంగ్రెస్-JMM కూటమి 33 స్థానాల్లో ముందంజ
ఎన్నికల సంఘం గణాంకాల ప్రకారం జార్ఖండ్ లో కాంగ్రెస్-జేఎంఎం కూటమి 33 స్థానాల్లో ఆధిక్యంలో ఉంది. అదే సమయంలో ఎన్డీయే 19 స్థానాల్లో ఆధిక్యంలో ఉంది.