హఫీజ్ పేట్లోని రుమాల్ హోటల్లో అగ్నిప్రమాదం చోటుచేసుకుంది. గ్యాస్ సిలిండర్ పేలటంతో కిచెన్లో ఒక్కసారిగా భారీ ఎత్తున మంటలు చెలరేగాయి. విషయం తెలుసుకున్న యజమాన్యం ఎంతో చాకచక్యంగా వ్యవహరించింది. వెంటనే విద్యుత్ సరఫరాను నిలిపివేసింది. ఆ వెంటనే హోటల్లో ఉన్నవారిని బయటకు రప్పించింది. డోర్లు తెరిచి ఉంచడంతో ప్రమాద తీవ్రత తగ్గింది. ఇక, సమాచారం అందుకున్న ఫైర్ సిబ్బంది సంఘటనా స్థలానికి చేరుకున్నారు. మంటల్ని ఆర్పారు. అదృష్టవశాత్తు ఈ ప్రమాదంలో ప్రాణ నష్టం జరగలేదు.
