రంగారెడ్డి డీఎంహెచ్‌వో స్వర్ణకుమారి లంచం తీసుకుంటూ ఏసీబీకి చిక్కారు!
ఆ రూ.2 లక్షల్లో భాగంగా ముందుగా రూ.లక్ష ఇవ్వాలని స్వర్ణకుమారి కోరినట్లు బాధితుడు ఏసీబీ అధికారులకు సమాచారం ఇచ్చాడు. దీంతో ఏసీబీ అధికారులు పథకం ప్రకారం నిఘా ఏర్పాటు చేశారు.
బాధితుడు రూ.లక్షను హెల్త్ ఇన్‌స్పెక్టర్ శ్రీనివాస్‌కు అందజేసినట్లు అధికారులు గుర్తించారు. అనంతరం శ్రీనివాస్ ఆ నగదును డీఎంహెచ్‌వో డ్రైవర్ కృష్ణయ్యకు ఇచ్చినట్లు ఏసీబీ అధికారులు నిర్ధారించారు. ఆ డబ్బులు కారులో పెట్టేందుకు వెళ్తున్న సమయంలో కృష్ణయ్యను ఏసీబీ అధికారులు పట్టుకున్నారు.
ఈ వ్యవహారంలో లంచం డిమాండ్‌కు సంబంధించిన పక్కా ఆధారాలను అధికారులు సేకరించినట్లు తెలుస్తోంది. లంచం డిమాండ్ చేయడం, నగదు తీసుకోవడం వంటి వ్యవహారంలో డీఎంహెచ్‌వో స్వర్ణకుమారి, హెల్త్ ఇన్‌స్పెక్టర్ శ్రీనివాస్, డ్రైవర్ కృష్ణయ్య పాత్రపై విచారణ చేపట్టారు. ఈ క్రమంలో ముగ్గురినీ అదుపులోకి తీసుకున్నట్లు సమాచారం.
ఈ ఘటనకు సంబంధించి మరిన్ని వివరాలు ఏసీబీ దర్యాప్తులో వెల్లడికానున్నాయి.