హైదరాబాద్-బెంగళూరు జాతీయ రహదారిపై శంషాబాద్ వద్ద ఓ కారులో ఒక్కసారిగా మంటలు చెలరేగాయి. రన్నింగ్లో ఉన్న కారులో నుంచి మంటలు రావడాన్ని గమనించిన డ్రైవర్ వెంటనే అప్రమత్తమయ్యాడు. కారును రోడ్డు పక్కన నిలిపి, వెంటనే కిందకు దిగడంతో పెను ప్రమాదం తప్పింది.
డ్రైవర్ కారు నుంచి దిగిన కొద్దిసేపటికే మంటలు భారీగా వ్యాపించాయి. చూస్తుండగానే కారు పూర్తిగా మంటల్లో చిక్కుకుని దగ్ధమైంది. రహదారిపై వెళ్తున్న తోటి వాహనదారులు ఈ ఘటనను చూసి భయాందోళనకు గురయ్యారు.
కారులో మంటలు చెలరేగడంతో జాతీయ రహదారిపై కొద్దిసేపు ట్రాఫిక్కు అంతరాయం ఏర్పడింది. సమాచారం అందుకున్న ఆర్జీఐఏ పోలీసులు, అగ్నిమాపక సిబ్బంది వెంటనే సంఘటనా స్థలానికి చేరుకున్నారు. ఫైర్ ఇంజిన్ల సహాయంతో మంటలను అదుపులోకి తీసుకొచ్చారు.
ప్రాథమికంగా షార్ట్ సర్క్యూట్ లేదా ఇంజన్ వేడెక్కడం కారణంగా మంటలు చెలరేగి ఉండవచ్చని పోలీసులు అనుమానిస్తున్నారు. ప్రమాదానికి ఖచ్చితమైన కారణాలపై దర్యాప్తు కొనసాగుతోంది.