హైవే ఎక్కాలంటే కారు ఉంటే సరిపోదు.

మీ దగ్గర ఆధార్ లాంటి గుర్తింపు కార్డ్ మస్ట్.. ఏప్రిల్ 10 నుంచి కొత్త రూల్స్ ఎందుకు అంటే..!

భారతదేశ హైవేలపై ప్రయాణించే వారికి కేంద్ర ప్రభుత్వం కీలక హెచ్చరిక జారీ చేసింది. ఏప్రిల్ 10 నుంచి జాతీయ రహదారుల నిర్వహణలో భారీ మార్పులు అమల్లోకి రాబోతున్నాయి. భద్రతను కట్టుదిట్టం చేయడం, పారదర్శకతను పెంచడం, టోల్ ప్లాజాల వద్ద రద్దీని తగ్గించడమే ఈ నిర్ణయాల ప్రధాన లక్ష్యం.

హైవేపై అవసరమైన గుర్తింపు కార్డులు

ఈ కొత్త నిబంధనల్లో ముఖ్యమైనది ఐడీ కార్డ్ రూల్. ఏప్రిల్ 10 నుంచి టోల్ ప్లాజాలు లేదా హైవే చెక్ పోస్టుల వద్ద ప్రయాణికులు ఆధార్ కార్డు, డ్రైవింగ్ లైసెన్స్ లేదా ప్రభుత్వం గుర్తించిన ఇతర గుర్తింపు కార్డును చూపించాల్సి ఉంటుంది.

వాహన దొంగతనాలు, స్మగ్లింగ్ మరియు అనధికారిక రవాణాను అరికట్టేందుకు ఈ నిర్ణయం తీసుకున్నారు. గుర్తింపు కార్డు లేకపోతే జరిమానా విధించే అవకాశం ఉంది. కొన్ని సందర్భాల్లో ప్రయాణాన్ని కూడా నిలిపివేయవచ్చు.

క్యాష్ పేమెంట్స్ బంద్

ఏప్రిల్ 10 నుంచి టోల్ బూత్‌ల వద్ద క్యాష్ పేమెంట్స్ పూర్తిగా తగ్గించేందుకు చర్యలు తీసుకుంటున్నారు. ఫాస్ట్ ట్యాగ్, యూపీఐ, డెబిట్ కార్డుల ద్వారా మాత్రమే టోల్ చెల్లింపులు చేయాలని కేంద్రం సూచిస్తోంది.

దీంతో టోల్ ప్లాజాల వద్ద ట్రాఫిక్ వేగంగా కదలడమే కాకుండా చిల్లర సమస్య కూడా ఉండదు.

హైవేపై పెట్రోలింగ్ తనిఖీలు

హైవే పెట్రోలింగ్ బృందాలు ఇకపై వాహన డాక్యుమెంట్లను కఠినంగా తనిఖీ చేస్తాయి. ఇన్సూరెన్స్, పొల్యూషన్ సర్టిఫికేట్, రిజిస్ట్రేషన్ పత్రాలు తప్పనిసరిగా ఉండాలి.

సెక్యూరిటీ కెమెరాలతో నిఘా

హైవేలపై ఆధునిక సీసీటీవీ కెమెరాలు, ఆటోమేటెడ్ నంబర్ ప్లేట్ గుర్తింపు వ్యవస్థలు ఏర్పాటు చేస్తున్నారు. వాహనాల కదలికను పర్యవేక్షిస్తూ ట్రాఫిక్ రూల్స్ ఉల్లంఘించిన వారిపై చర్యలు తీసుకుంటారు.

ఈ మార్పులు మొదట్లో కొంత ఇబ్బందిగా అనిపించినా, భవిష్యత్తులో భారత హైవేలను మరింత సురక్షితంగా మార్చేందుకు ఉపయోగపడతాయని అధికారులు చెబుతున్నారు.