🚜 నకిలీ పట్టాదార్ పాస్ పుస్తకాలు రద్దు.. అర్హులందరికీ కొత్త పాస్ పుస్తకాలు : మంత్రి పొంగులేటి
📍 ఖమ్మం/కూసుమంచి | ఆగస్టు 7
రాష్ట్రంలో ఉన్న నకిలీ పట్టాదార్ పాస్ పుస్తకాలను త్వరలోనే రద్దు చేసి, అర్హులైన ప్రతి రైతుకు న్యాయబద్ధంగా కొత్త పట్టాదార్ పాస్ పుస్తకాలు అందజేస్తామని రాష్ట్ర మంత్రి పొంగులేటి శ్రీనివాస్ రెడ్డి తెలిపారు.
📌 అభివృద్ధి పనులకు శంకుస్థాపన
గురువారం ఖమ్మం జిల్లా కూసుమంచి మండలంలోని తాళ్లగడ్డ తండా, పాలేరు, చౌటుపల్లి, లింగారం తండా, ఎదులాపురం మున్సిపాలిటీ తో పాటు ఖమ్మం రూరల్ మండలంలో మంత్రి పర్యటించారు. జిల్లా కలెక్టర్ దివాకర టీఎస్, కమిషనర్ సునీల్ దత్తో కలిసి పలు అభివృద్ధి పనులకు శంకుస్థాపన చేశారు.
🌾 రైతుతో కలిసి పొలంలోకి దిగిన మంత్రి
లింగారం తండాలో రైతు బానోతు రూప్లాకు చెందిన వ్యవసాయ పొలంలోకి వెళ్లి స్వయంగా అరక పట్టి దున్నారు. రైతులతో మాట్లాడి వారి సమస్యలను అడిగి తెలుసుకున్నారు.
🏡 చౌటుపల్లి అభివృద్ధిపై హామీ
గతంలో తాను ఎంపీగా ఉన్న సమయంలో చౌటుపల్లి గ్రామాన్ని దత్తత తీసుకుని అనేక అభివృద్ధి పనులు చేపట్టానని మంత్రి గుర్తు చేశారు. ప్రస్తుతం మంత్రిగా మిగిలిన అభివృద్ధి పనులను కూడా పూర్తి చేయడం తన బాధ్యతగా భావిస్తున్నట్లు తెలిపారు.
📍 భూ రీ-సర్వే వేగంగా కొనసాగుతోంది
పాలేరు నియోజకవర్గంలో భూ రీ-సర్వే ప్రక్రియ వేగంగా కొనసాగుతోందని మంత్రి తెలిపారు. భూ సమస్యల పరిష్కారానికి ప్రభుత్వం ప్రత్యేక చర్యలు తీసుకుంటోందన్నారు. పేదల సంక్షేమంతో పాటు గ్రామాలు, కొత్తగా ఏర్పడిన మున్సిపాలిటీల సమగ్ర అభివృద్ధే రాష్ట్ర ప్రభుత్వ ప్రధాన లక్ష్యమని పేర్కొన్నారు.
👥 కార్యక్రమంలో పాల్గొన్న అధికారులు
ఈ కార్యక్రమంలో అడిషనల్ కలెక్టర్ పి. శ్రీనివాసరెడ్డి, పంచాయతీరాజ్ ఎస్ఈ వెంకట్రెడ్డి, డీఎస్వో చందన్ కుమార్, డీవైఎస్వో సునీల్రెడ్డి, ఏదులాపురం మున్సిపల్ వైస్ చైర్మన్ తమ్మినేని నవీన్, మున్సిపల్ కమిషనర్ శ్రీనివాస్, ఆర్డీఓ శ్రీనివాస్తో పాటు ప్రజాప్రతినిధులు, అధికారులు పాల్గొన్నారు.