ప్రైవేటు ట్రావెల్స్ బస్సు బోల్తా

మూలమలుపు వద్ద ప్రైవేట్ ట్రావెల్స్ బస్సు అదుపుతప్పి పంట పొలంలో బోల్తా పడింది.

 కోడేరు: నాగర్ కర్నూల్ జిల్లా, కోడేరు మండలం పసుపుల శివారులో మూలమలుపు వద్ద ప్రైవేట్ ట్రావెల్స్ బస్సు శనివారం రాత్రి 12:30 గంటలకు అదుపుతప్పి బోల్తా పడింది. వివరాల్లోకి వెళితే.. నాగర్ కర్నూల్‌కు చెందిన శ్రీ రాఘవేంద్ర ట్రావెల్స్ ప్రైవేట్ బస్సు(టీఎస్ 06 ue 4466 నెంబర్) రాత్రి 12:30 గంటలకు కోడేరులోని ఓ వివాహ శుభకార్యానికి వెళ్తోంది. పసుపుల నుంచి కోడేరు మధ్యలో బోటుకొని తిప్ప గుట్ట సమీపంలో మూలమలుపు వద్ద అదుపుతప్పి వ్యవసాయ పొలాల్లోకి దూసుకెళ్లి బోల్తా పడింది. బస్సులో డ్రైవర్ తప్ప ప్రయాణికులు ఎవరు లేకపోవడంతో ఎలాంటి ప్రమాదం చోటు చేసుకోలేదు.